- Alborecemos col cielu cubiertu por estratos na fastera central asturiana, tando poco nuboso o escampláu nel restu con unes temperatures que tan alrodiu de los 18ºC, rexistrándose nel puirtu Payares 15ºC.
- Güei a lu llargu la mañana van dir dixebrándose los estratos del alborecer pa dexanos el cielu con nubes ya claros o abancios, amás les temperatures dirán medrando y l’aire sedrá del nordés con dalguna racha moderada nel llitoral.
- Mañana martes la prosimidá d’una DANA va facer que medren les nubes de desendolque y suban les temperatures moderadamente ya tengamos xarabatos de calter tormentosu al atapecer que puen ser llocalmente fuertes y venir acompangaos d’aparatu elléctricu. L’aire sedrá sele ya variable menos onde caiga la truena que pue dexar raches fuertes.
- El miércoles la DANA sedrá absorbida pola circulación xeneral de l’atmósfera una vegada que pase perriba nuesu ya mos dexará nubosidá abondosa con precipitaciones casi tol día, amás d’un descensu moderáu de les temperatures.
- El xueves meyorará, saldrá’l sol y subirán de nuevu les temperatures y paez que’l fin de selmana sedrá braniegu pero esto yá lu diremos viendo.
