- Alborecemos con intervalos nubosos entemecios ente dellos claros o abancios ya con nublines no fonderu los valles con unes temperatures que tan alrodiu de los 14ºC, rexistrándose nel puirtu Payares 5,3ºC.
- Güei vamos tener el cielu poco nuboso en xeneral anque aumentará la nubosidá al atapecer pa dexanos el día nuble con unes temperatures que van camudar poco ya col aire de componente noroeste que pue soplar con raches moderaes nel llitoral y zones espuestes.
- Mañana domingu va tar más escampláu na costa y cordelera y con nubosidá estratificada na fastera central anque tamién va vese’l sol perellí, sobre too nes hores centrales del día. L’aire tenderá a nordés y pue ser cafiante pela costa con unes temperatures que seguirán siendo suaves con másimes de 22-23ºC nel meyor de los casos.
- El llunes otra vegada más tendremos dalgo de nubosidá estratificada na fastera central asturiana que tenderá a dixebrase a lu llargu la mañana, tando más escampláu nel restu con unes temperatures qu’entamen a subir, amás l’aire amenorgará dalgo.
- El martes lo más destacáu sedrá l’ascensu bultable de les temperatures, sobre too nel interior onde superaremos los 30ºC con facilidá, na costa tará más amenorgáu por mor de les brises marines. Nel cielu dirán medrando les nubes de desendolque y pela tarde nun se descarta que llegue la truena a dalgún puntu d’Asturies, pero esto yá lu diremos viendo.
