- Alborecemos col cielu nuboso ya con unes temperatures que tan alrodiu de los 15ºC, rexistrándose nel puirtu Payares 6,8ºC onde ta’l cielu poco nuboso.
- Güei la cola d’un frente va facer qu’aumenten les nubes ya inclusu que nos dexen dalguna gotera pela tarde con unes temperatures que camudarán poco, calteniéndose un ambiente afayaizu y suave, sicasí l’aire de componente norte pue dexar dalguna racha moderada nel llitoral pela tarde.
- Mañana sábadu y pasáu domingu vamos tener nubes ya claros o abancios y poco movimientu atlmosféricu con unes temperatures másimes que rondarán los 22ºC, sin pasar calor ya col aire de componente norte-nordés que pue ser dalgo cafiante na costa y zones espuestes.
- El llunes ascenderán les temperatures ya tendremos más sol y el martes ye probable que l’ascensu seya bultable, faciendo que medren les nubes de desendolque pela tarde y nos traigan la truena, pero esto yá lu diremos viendo.
