- Los díes 19 y 20 de xunu celébrase, na Universidá d’Uviéu, el «I Congresu Internacional VulneRom: vulnerabilidaes sociollingüístiques nel espaciu romance». La entrada ye llibre pa cualquier persona que-y preste asistir.
- Esti alcuentru dedícase a la situación de les llingües romániques minorizaes y en peligru, ente les que ta l’asturianu. Falarase del asturianu y del gallegu d’Asturies.
- El congresu celébrase nel Salón d’Actos del Edificiu Alministrativu del Campus del Milán o de Santuyano (Uviéu), onde la Facultá de Filosofía y Lletres. Organícenlu la Universidá d’Uviéu (Departamentu de Filoloxía Clásica y Románica) y la Université de Montpellier Paul-Valéry.
- Collaboren tamién el Seminariu de Filoloxía Asturiana, l’Institut Occitan de Cultura, la Conseyería de Cultura, Política Llingüística y Deporte, y la Sociedá Española de Filoloxía Románica.
- El congresu tien 45 sesiones, ente conferencies plenares, comunicaciones y meses redondes. Amás de la problemática xeneral, va falase de les siguientes llingües:
–Asturianu.
–Gallegoportugués de Galicia, del Eo-Navia (Asturies) y de Xálima (Estremadura).
–Aragonés.
–Occitanu d’Occitania, del Valle d’Arán y d’Italia.
–Vénetu.
–Llingües minorizaes de Francia.
–Francoprovenzal.
–Corsu.
–Rumanu de Moldavia.
- Sobre l’asturianu tán programaes les siguientes sesiones:
●Conferencia plenaria: Ramón d’Andrés (Universidá d’Uviéu): «L’estándar asturianu y la so relación col dialectu-base y les demás variedaes».
●Gonzalo Llamedo Pandiella (Universidá d’Uviéu): «Una mirada glotopolítica al asociacionismu en favor del asturianu».
●Adrián Martínez Expósito (Universidá d’Uviéu): «De la lliteratura reivindicativa a la reivindicación de la lliteratura. La poesía n’asturianu de Fernán-Coronas como ferramienta de normalización llingüística».
●Miguel Rodríguez Monteavaro & Ramón d’Andrés (Universidá d’Uviéu): presentación del llibru «La diversidá llingüística d’España y d’Asturies. Encuesta na ciudá de Xixón» (Editorial Trabe, 2017).
●Elena Álvarez Rodríguez (Universidá d’Uviéu): «Llingua y mocedá: l’usu del asturianu nos espacios culturales xuveniles».
- SESIONES SOBRE’L GALLEGU D’ASTURIES
●Alberte Facal Malvar y Xosé Henrique Costas González (Universidade de Vigo): «Situación sociolingüística do galego-asturiano na comarca do Eo-Navia: percepcións e actitudes da poboación».
●Natalia Jardón Pérez y Xosé Henrique Costas González (Universitat Autònoma de Barcelona y Central European University / Universidade de Vigo): «A lingua máis vulnerable de Asturias: el galego del EoNavia».
●Enrique González Álvarez y Natalia Jardón Pérez (Axuntar: Asociación prá normalización del galego de Asturias / Universitat Autònoma de Barcelona y Central European University): «Iniciativas da asociación Axuntar en defensa da Asturias galegofalante».
●Lucas Vega Villabrille (Universidá d’Uviéu): «Consideraciones en torno al gallego-asturiano desde su literatura».
●Pablo Trabadelo Vilabrille (Estudiante UNED): «Creencias lingüísticas y competencia metalingüística en adolescentes de Oscos-Eo: acercamiento crítico a la doble diglosia del gallego en Asturias».
L’enllaz a la web del congresu «VulneRom» podéis atopalu abaxo en segundu comentariu.
