Dende la Federación de Surf del Principáu d’Asturies (FSPA) empecipiamos la primer xornada d’Asturies Surfea, una iniciativa para fortalecer el surf asturianu dende la base, acompañando a neñes, neños, escueles y clubes nel so camín nesti deporte.
- Sablera de Salines / Sábadu 5 de xunetu / Hora d’alcuentru: 10:00 h
- Puntu d’alcuentru: Salines Surf Camp / Duración envalorada: de 10:00 a 14:30 h
Yá unviemos a escueles y clubes la convocatoria coles neñes y los neños propuestos pola FSPA, xuntu con toles indicaciones necesaries. ¡Gracies pola vuesa implicación! ¡Esperámosvos! - Asturies Surfea naz cola idea d’acompañar y sumar, reforzando’l trabayu que yá faen les escueles y clubes. Queremos siguir construyendo xuntes y xuntos un surf asturianu más fuerte, diversu y conectáu.
