- IKEA anuncia una inversión de 6 millones n’Asturies, onde celebra’l 20º aniversariu
El presidente del Gobiernu autonómicu destaca l’ésitu algamáu por IKEA n’Asturies dende la so implantación.
IKEA anunció esti vienres que nos próximos años va invertir más de 6 millones d’euros p’ameyorar la esperiencia na tienda allugada nel conceyu de Siero, que güei celebra’l ventiavu aniversariu de la so implantación n’Asturies.
Asina lo anunció’l director de la empresa sueca nel Principáu, Eduardo García, nel actu de conmemoración, nel que tamién intervino’l presidente del Principáu, Adrián Barbón.
El presidente del Gobiernu autonómicu destacó l’ésitu algamáu por IKEA n’Asturies dende la so implantación, reflexáu en datos como los 35 millones de visitantes que recibió dende entós la tienda, na que trabayen más de 500 persones, el 96% con contratu indefiníu, y na que les muyeres representen más del 64% de la plantiya.
