- Fonte: la Voz del Trubia /
Un momentu del plantíu, na que participaron les families
El colexu públicu Príncipe d’Asturies de Les Regueres ganó’l premiu Future Minds Fest 2025 na categoría de Sostenibilidá, un galardón nacional qu’estrema los proyectos qu’anueven no educativo y tamién llogren un futuru más sostenible.
Dambes coses xuninse nel proyectu ‘Aventura Verde’, presentáu pol alumnáu de 6º de Primaria, que creó dende cero un monte escolar que sirva como aula al campu para los futuros estudiantes. Los neños y neñes fixeron trabayu de campu para decidir qué especies llantar y diseñaron tol espaciu, col sofitu d’espertos n’inxeniería forestal y de los sos profesores. El monte escolar yá ye una realidá qu’empezó a crecer, para beneficiu de tola comunidá .
