- The Asturianer nº 43 / Título «Las guajinas» /
- Autora: Bru Marrón / Testu: Sandra S. Berlanga
- @bru.marron/ @ssberlanga/ @theasturianer./ #ilustradorasasturianas
Yérase una vegada nel corazón verde d’Asturies, una infanta de cara sonrosada que nun vivía nun palaciu de mármol, sinón n’una casona de madera con horru para la collecha, onde l’aire golía a mazana y pa cantar veníen col oral del monte. Llámase Margarita, pero toos nel pueblu sabíen que tenía más de xana que de princesa.
Al so alredor, nun había dames cortesanes nin caballeros d’etiqueta, sinón muyeres de faldes amplies y pañuelos de colores, que tocaben el panderu coles manos firmes de quien trabayó la tierra y alzó la voz cuando fixo falta. Una gaitera ponía música a les hores, mientres un escanciador, pincel en mano como si fuera Velázquez reencarnado, alzaba una botella de sidra al cielu, cola solemnidá d’un ritu sagráu.
Delantre de toos, un osu dormía’l pigazu, como si supiera que naquella casa naide tarrecía.
Al fondu, ente solombres, daquién abría una puerta. ¿Yera un visitante? ¿O acasu l’alcordanza d’un tiempu que s’aguantaba a colar?
Esi día nun hubo decretu real nin bailles d’etiqueta. Hubo empanada caliente, gaites desafinaes y sidra que rompía nel vasu. Y sobremanera, hubo allegría compartida, que ye la forma más noble de reinar.
Dicen que Margarita nunca volvió a la corte. Qudose ente los montes, ente muyeres que ríen alto y homes que sabíen escuchar. Y de magar, cada vez que se brinda nuna fiesta ástur, hai quien cree ver a la infanta alzar el so vasu, riendo, eterna, ente les sos Meninas.
Asina nos lo rellata Sandra S. Berlanga, escritora de verdaes incómodes, al enfusase nesta interpretación tan particular d’un clásicu de la pintura, recreáu con mirada propia por Analía Álvarez, o Bru Marrón, como la conoz nel mundu del arte.
Llicenciada en Belles Artes, Analía dio forma a cartelos, ilustraciones y cuentos infantiles qu’alienden sensibilidá y oficiu. Anque’l so camín llevola a vivir en Suecia onde trabaya como Visual Merchandiser nel corazón creativu d’IKEA, esta artista nacida n’Avilés lleva la ilustración tatuada nel so ADN.
