La conseyera de Cultura, Política Llingüística y Deporte, Vanessa Gutiérrez, asistió güei a la presentación de la imaxe gráfica y el lema de la candidatura d’Uviéu y Asturies a Capital Europea de la Cultura 2031: Puxa Europa.- ‘Puxa Europa’ ye’l lema col qu’Uviéu aspira a convertise en Capital Europea de la Cultura en 2031. Con un logo circular y camudante creáu pol estudiu Los Patos d’Avilés.
Güei presentáronlos nun actu na antigua Fábrica d’Armes de La Vega nel que falaron d’una candidatura que va más allá de la ciudá, la única que tien un sofitu sólidu de toles instituciones y que presume de llingua propia pa convencer a Europa.
La candidatura estrena páxina web y abre hasta’l 11 de xunetu’l procesu de participación pa los creadores artísticos que quieran ser parte d’esa capitalidá qu’esperen seya una realidá.
L’actu, celebráu na Fábrica de Armes de La Vega, destacó la importancia de disponer d’una llingua minorizada como l’asturianu, que fai visible la riqueza y singularidá cultural d’Asturies y que refuerza la candidatura con una identidá propia y proyección europea.
Esta candidatura supón una apuesta decidida polos derechos culturales y pol accesu igualitariu a la cultura, razones poles que, dende’l Gobiernu del Principáu, vien apoyándose con convencimientu un proyectu que mira a Europa ensin olvidar d’onde venimos.
La conseyera de Cultura, Política Llingüística y Deporte, Vanessa Gutiérrez, asistió güei a la presentación de la imaxe gráfica y el lema de la candidatura d’Uviéu y Asturies a Capital Europea de la Cultura 2031: Puxa Europa.
L’actu, celebráu na Fábrica de Armes de La Vega, destacó la importancia de disponer d’una llingua minorizada como l’asturianu, que fai visible la riqueza y singularidá cultural d’Asturies y que refuerza la candidatura con una identidá propia y proyección europea. Esta candidatura supón una apuesta decidida polos derechos culturales y pol accesu igualitariu a la cultura, razones poles que, dende’l Gobiernu del Principáu, vien apoyándose con convencimientu un proyectu que mira a Europa ensin olvidar d’onde venimos.
