La etiqueta tien un QR qu’ameyora la trazabilidá del pescáu. La Cofradía de Pescadores d’Avilés empezó a usar la nueva etiqueta de ‘Pescáu de Rula con Artes Sanos’. Ye un distintivu que yá s’emplega n’otres pequeñes cofradíes y qu’agora se ta estendiendo a les más grandes. Un cargamentu de bonitos, llegáu esta madrugada, foi unu de los primeros en faer usu d’una etiqueta que marca la diferencia col restu de captures. La etiqueta tien un códigu QR que dexa a los veceros conocer detalles del pescáu que mercaron, como la procedencia o’l tipu d’arte emplegáu.
