Anguaño’l cartelu de les fiestes de La nuesa Señora del Rosariu de L.luarca rinde homenaxe a unu de los momentos más emotivos y sentíos por tola comunidá marinera: la embarcación de la Virxe y l’alcordanza eterna a los marineros finaos na mar.
Un intre de fonda emoción, onde la devoción fundise cola memoria y el respetu. Nesti cartelu, la imaxe de la Virxe ye portada polos llamaos vieyos llobos de mar, homes de mar con años d’hestoria nes sos manos, que representen la sabiduría, el coraxe y l’alma del nuesu pueblu.
Ver a estos homes, curtios poles foles y los vientos, llevando a la Virxe hasta’l barcu ye un xestu que trespasa xeneraciones, un símbolu de gratitú, fe y arguyu. Nesi momentu, L.luarca entera detiense para rindir tributu a quien yá nun tán, pero siguen vivos na alcordanza de cada marea.
Esti cartelu non solo anuncia una fiesta. Anuncia un realcuentru colos nuesos raigaños, coles nueses tradiciones y con aquellos que fixeron del mar la so vida. Porque equí, en L.luarca, la Virxe del Rosario salea con toos. Cartelu realizáu n’acuarela 70x50cm
