Cultura destina 1,18 millones d’euros pa impulsar les industries culturales asturianes al traviés de 135 proyectos. Los apoyos por sectores son los siguientes:
Artes escéniques: 188.571,53 €
Música: 200.000 €
Llibru y edición: 110.000 €
Audiovisual y cine: 450.000 €
Artes visuales: 133.359,64 €
Videoxuegos y realidá virtual: 90.990 €
Formación y movilidá profesional: 13.078,83 €
Estes ayudes tienen como oxetivu principal impulsar l’actividá profesional y empresarial vinculada a les industries culturales, sofitar la creación, la movilidá, la formación especializada y la visibilidá del sector tanto n’Asturies como fuera del territoriu autonómicu.
La resolución reconoz la calidá de proyectos bien diversos: dende xires teatrales y musicales, edición d’obres lliteraries, producción audiovisual o participación en festivales nacionales y internacionales, hasta’l desenvolvimientu de videoxuegos o l’asistencia a cursos d’especialización n’árees como’l cine, les artes plástiques o la narración oral.
Nel casu del sector audiovisual inclúyense proyectos de llargumetraxes, documentales, curtiumetraxes, guiones y participación en mercaos especializaos. Nel ámbitu editorial, sofítense autores que van publicar noveles, cómics, llibros infantiles o ensayos, ente otros formatos.
Tocante a la formación, les ayudes van dexar que profesionales asturianos amplíen conocencies en contestos nacionales y internacionales, dende congresos teatrales hasta talleres de cinematografía o cursos d’alfarería artística.
https://miprincipado.asturias.es/…/07/18/2025-05986.pdf
