Güei ye’l Día Mundial de la Fruta, y qué meyor momentu para recordavos que tamos en plena temporada d’arándanos y artimores/frambueses. Equí, n’Asturies, puedes atopalos procedentes de cultivos 100 % ecolóxicos, respondíos por por COPAE Asturies y llenísimos de sabor. ¿Hai meyor postre que la fruta fresco de temporada?
El Día Mundial de la Fruta celebra’l 1 de xunetu. Esta fecha foi establecida para promover el consumu de frutes y concenciar sobro los sos beneficios pa la salú. Ye un día pa recordar la importancia d’incluyir frutes na nuesa dieta diaria y esfrutar de los sos sabores y nutrientes.
Celebráu cada 1 de xunetu, busca resaltar la importancia de les frutes nuna dieta equilibrao y saludable. La fruta apurre vitamines, minerales y antiosidantes esenciales pal bienestar xeneral. Amás, el consumu de frutes contribúi a la biodiversidá y la sostenibilidá ambiental.
Tamién el 4 d’agostu ye’l Día internacional de les frutes, ye una fecha impulsada pola Organización Mundial de la Salú (OMS) y pola Organización de les Naciones Unidá para l’Alimentación y l’Agricultura (FAO) col fin d’incentivar el consumu de frutes y verdures.
Beneficios de comer frutes. Les frutes apúrrennos una gran cantidá de vitamines necesaries para’l correctu funcionamientu del nuesu organismu. L’A, B y C son un bon exemplu, ensin incluyir los minerales como’l calciu, magnesiu, fierro y potasiu. Tamién ye una gran fonte de fibra, qu’ayuda al procesu dixestivu:
- Hidratan l’organismu rápido.
- Ayuden al correctu funcionamientu del aparatu dixestivu.
- Facilita’l drenaxe de líquidos, al ser diurétiques y depuradores del organismu.
- Apurren fibres vexetales
- Nun apurren grases (sacante los frutos secos, olives, aguacates y cocos qu’apurren aceites beneficiosos pal organismu).
- Apurren vitamines antiosidantes naturales.
Lo recomendable, acordies con la Organización Mundial de la Salú, ye comer cinco pieces de fruta y verdura al día, un total de 400 gramos diarios pa caltener un bon estilu de vida.
Les frutes amás d’aprovinos de cientos de vitamina, mineral y antiosidantes, tamién tienen munchos datos interesantes:
- Les mazanes llexen na agua porque tán compuestes d’un 25% aire.
- Les freses son les úniques frutes que tienen les sos granes nel esterior y pueden contener hasta 200 d’elles.
- El plátanu comúnmente considérase fruta pero ye una baya.
- Los colores importen, les frutes coloraes son bones pal corazón, les verdes pa los güesos y les azules y moraes pa la memoria.
- La fruta de la pasión debe’l so nome a los xesuites, pos cuando la atoparon diéronse cuenta que la so flor paecer a los clavos, cruz y corona d’escayos de Cristu.
- Una granada puede contener hasta 1400 granes.
- El tomate siempres tuvo problemes de clasificación, la Suprema Corte de los Estaos Xuníos declarolu como verdura.
- Les frutes sufrieron de cambeos xenéticos a lo llargo de los años, originalmente la cenahoria y la berenxena yeren de color blanques.
- El banano ye un pocu radioactivu.
- Esisten más de 7 mil variedaes de mazanes.
