Más de 50 artistes trabayen nel ‘Gabinete de curiosidaes’. ‘Kurios – Gabinete de curiosidaes’ aterriza per primer vegada n’España, y failo en Xixón. El Circo del Sol vuelve mañana a la ciudá asturiana con esti espectáculu nel que trabayen más de 50 artistes de 31 nacionalidaes.
L’espectáculu va tar nel Principáu hasta’l 17 d’agostu y les entraes tán yá a la venta. Los gabinetes de curiosidaes fueron los precursores de los museos, sitios cuasi máxicos onde s’amosaben aparatos estraños d’aquel tiempu, a finales del sieglu XIX, onde los científicos confiaben na so imaxinación pa crear. ‘Kurios’ treslládanos a aquel entós onde’l gran gabinete de curiosidaes d’un científicu toma vida en personaxes y elementos, como l’Acronet, únicu nel mundu.
