Nel marcu de les celebraciones poles sos 100 años d’hestoria, el Real Uviéu presentó esti xueves 10 de xunetu de 2025 el videoclip del Centenariu, cantar compuestu ya interpretada por Melendi. La tema rinde homenaxe a la hestoria, los valores y la pasión que definen al club de la capital del Principáu d’Asturies. Youtube
El videoclip pon cara, emoción y narrativa a un sieglu de sentimientu carbayón. La pieza audiovisual ta producida por Krea, una de les compañíes referentes na industria musical, y la collaboración de Sony Music. Amás, incorpora tecnoloxía CGI, integrando efectos dixitales qu’arriquecen un guion que percuerre esos momentos y estadios icónicos de la hestoria azul.
La producción audiovisual cuntó cola participación destacada del propiu Melendi, el canteranu y xugador del primer equipu Álex Cardero, lo mesmo que de dellos integrantes de la cantera azul nos papeles protagonistes.
Un trabayu que nun fuera posible ensin la inestimable ayuda de la Banda de Gaites Ciudad d’Uviéu y l’Uviéu Rugby. Mención a parte, la infrayable afición azul qu’allegó al llamamientu del club, más de 1.500 uvieinos quixeron formar parte d’un videoclip que de xuru va quedar grabáu en lletres doraes na hestoria centenaria del Real Uviéu.
