Esperamos una xornada estable na que nun se preven precipitaciones en nengún momentu del día. Pela mañana vamos tener intervalos de nubes altes polo qu’en prácticamente tol Principáu’l cielu va tar atapecíu. Asina tou, va haber momentos de grandes claros nes hores centrales de la xornada. Pero, a lo llargo de la tarde, van apaecer nubes baxes pola mariña que se van acabar estendiendo tamién escontra l’interior. Los vientos van ser fluexos predominando de norte. Les temperatures máximes van xubir llixeramente nel interior y van caltenese nel restu. Les mínimes van xubir na metá oriental y nun van variar na occidental.
El llunes va ser un día totalmente distintu al de güei. Los cielos van tar cubiertos de nubes en tola rexón. Esta nubosidá, amás, va dexar precipitaciones débiles mientres el día. Los vientos van siguir predominando de componente norte fluexos y les temperatures van baxar nel casu de les máximes de forma xeneralizada hasta 4 o 5 ºC. Les mínimes, sicasí, van xubir cola presencia de les nubes.
