Vamos amanecer con cielos pocu nublos nel sur de la rexón y tamién nel interior occidental. Nel restu, espérense dellos intervalos de nubes baxes ensin importancia. A lo llargo de la mañana (sobremanera a partir del mediudía) les nubes van sumir por completu polo que la tarde va presentase asoleyada en tol Principáu d’Asturies prácticamente ensin esceición. Los vientos van predominar de nordeste siendo fluexos nel interior pero con raches moderaes que podríen superar los 40 km/h na mariña. Les temperatures máximes van xubir hasta 5 ºC nel cordal, hasta 3 o 4 ºC nel restu del interior y de forma más llixera na mariña. Les mínimes, sicasí, van baxar en tol interior asturianu.
El miércoles va ser un día soleyeru dende prácticamente primer hora de la mañana. Los vientos van siguir soplando de nordeste-esti moderaos na mariña, ente que nel interior espérase que sían fluexos. Les temperatures máximes volverán xubir y van facelo cola mesma intensidá y distribución que nel día del martes, polo que yá vamos tar falando de valores que van superar con facilidá los 25 ºC en munches poblaciones.
El xueves van siguir xubiendo y podríen #algamar los 30 ºC na nuesa rexón. van siguir xubiendo y podríen algamase los 30 ºC na nuesa rexón.
