Esperamos cielos pocu nublos o estenos prácticamente mientres tol día. A lo sumo, podríen presentase delles gurrianes mañaneres de forma local que rápido van sumir para dar pasu a una xornada soleyera en tolos rincones d’Asturies. Les temperatures máximes van xubir de forma xeneralizada pero facelo sobremanera nel cordal (hasta 4 o 5 ºC más) y restu del interior (hasta 3 ºC más). Na mariña l’ascensu va ser más llixeru. Les mínimes van xubir nel cordal y van caltenese ensin grandes cambeos nel restu. Per otru llau, hai que destacar les raches de vientu que podrán producise especialmente na mariña. Van ser raches de nordeste moderaes que podríen superar los 40 km/h.
El xueves tamién va ser un día soleyeru n’Asturies anque vamos poder amanecer con dalgún intervalu de nubes baxes que va tender a desfacese mientres la mañana. Pela tarde la nubosidá d’evolución va apaecer dende’l cordal y nun se refuga que pueda dexar dalgún bastiu nel sur del Principáu. Los vientos van siguir predominando de nordeste pero van ser daqué más fluexos. Les temperatures, llixeramente, van xubir un pocu más polo que vamos tar falando d’un día veraniegu nel que podríen algamase, ya inclusive superar, los 30 ºC na nuesa rexón.
