Va ser un día totalmente veraniegu n’Asturies. Los cielos van tar pocu nublos o inclusive estenaos mientres tola xornada. Namá, podríen apaecer de forma local delles gurrianes mañaneres que rápido s’estenarán. Los vientos van predominar d’esti nordeste na mariña con raches moderaes. Nel interior los vientos van ser fluexos polo xeneral. Les temperatures van xubir hasta 5 ºC nel cordal, y hasta 3 o 4 ºC nel restu del interior. Na mariña l’ascensu va ser más llixeru. Poro, van superase con facilidá los 25 ºC en casi toles localidaes del interior y van averase a los 30 ºC na mayoría, pudiendo inclusive superase nes zones más templaes como pue ser el suroccidente asturianu. Les mínimes van xubir nel occidente y sur del Principáu, calteniéndose ensin cambeos nel restu.
El xueves los cielos van tar nublos salvu nel terciu sur onde van amanecer soleyeros. Comoquier, esta nubosidá va estendese por tola rexón col intre de les hores. Nun se refuguen precipitaciones débiles pela tarde. Los vientos van ser fluexos y van pasar de soplar de nordeste a noroeste a lo llargo del día.
