Vamos amanecer con cielos nublos salvu nel cordal y nel terciu occidental. A lo llargo de la mañana, y sobremanera a partir del mediudía, esta nubosidá polo que se preve l’apertura de grandes claros hasta que’l cielu quede prácticamente estenáu en tol Principáu d’Asturies. Los vientos van predominar de nordeste fluexos con raches moderaes na mariña mientres la segunda parte del día. Les temperatures máximes van xubir na metá sur y van caltenese na metá norte. L’ascensu va ser más pronunciáu cuanto más movamos escontra’l cordal. Les mínimes van baxar llixeramente nel interior y nun van variar na mariña.
El miércoles va ser un día totalmente veraniegu. A pesar de la presencia de delles gurrianes a primeres hores, el día va tar asoleyáu en tola rexón. Les temperatures máximes van xubir de forma xeneralizada hasta 4 o 5 ºC anque escontra la mariña l’ascensu va ser más moderáu. Poro, ye probable que s’algamen los 30 ºC nel interior asturianu y nun se refuga que, nes zones más templaes, puedan superase.
El xueves la nubosidá va ser variable y, anque les temperatures van ser templaes, van baxar al respective de les que vamos anotar mañana.
