Esperamos bon tiempu mientres gran parte del día. Vamos amanecer con cielos pocu nublos o estenos. Sía que non, podría apaecer cierta nubosidad pola mariña occidental anque nun dexaría precipitaciones. Mientres les hores centrales del día vamos siguir falando de cielos soleyeros nel Principáu. Pero, a lo llargo de la tarde, especialmente a la fin del día, les nubes van dir ganando terrenal hasta llegar a cubrir tol cielu asturianu. Ello ye que nun se refuga que puedan escapase dellos orbayos a última hora. Los vientos van ser fluexos mientres tola xornada, predominando de norte. Les temperatures máximes van xubir de forma xeneralizada un par de graos, ente que les mínimes van caltenese salvu nel interior oriental onde tamién van xubir llixeramente.
El miércoles prevese abondosu nubosidad y precipitaciones de calter débil que podríen afectar a cualquier puntu. Los vientos van soplar d’oeste-noroeste con raches moderaes na mariña y fluexes nel interior. Les temperatures máximes van baxar en tola rexón, siendo dichu descensu más significativu conforme vaigamos moviendo escontra’l cordal. El xueves tamién va ser un día nublu con probables orbayos.
