Vamos amanecer con nubes baxes na metá norte y con cielos más estenos escontra’l sur. A partir del mediudía vamos reparar como les nubes van sumir polo que’l sol va rellumar en prácticamente tol Principáu. Mientres la recta final del día les nubes baxes volverán apaecer dende la mariña. Nun se refuga dalgún orbayu pocu importante na mariña mientres la mañana. Los vientos van predominar de nordeste-norte fluexos con raches moderaes. Les temperatures máximes van ser idéntiques a les d’esti miércoles y les mínimes van xubir llixeramente un pocu.
El vienres preven intervalu nublos con más claros nes hores centrales pero, a lo llargo de la tarde, la nubosidad va dir a más y va acabase estendiendo por tola Comunidá Autónoma. Va Acabar lloviendo sele na mariña y nun se refuga que pueda chispiar localmente n’otres zones de la metá norte a la fin del día. Les temperatures nun van variar nel casu de les máximes, ente que les mínimes podríen van baxar un poco nel sector centro-oriental.
A lo llargo del sábadu van abrise claros (sobremanera mientres la segunda parte del día).
