- Alborecemos con dalgún intervalu de nubes baxes na metá norte d’Asturies, tando escampláu nel restu con unes temperatures que tan alrodiu de los 14ºC, rexistrándose nel puirtu Payares tan solu 3,6ºC.
- Güei van dir dixebrándose les nubes baxes del alborecer pa dexanos el cielu totalmente escampláu a partir del mediu día con unes temperatures másimes que subirán nel interior pero sin molestar, mentantu que pela costa l’aire nordés va soplar dalgo cafiante faciendo que baxe la sensación térmica per esa fastera.
- Mañana miércoles vamos tener un día perguapu y soleyeru con unes temperatures que siguen subiendo pel interior, dalgo menos pela costa por mor del vientu nordés que sigue cafiante, sobre too nes hores centrales del día, ellí onde tenemos abellugaos d’él l’ambiente sedrá sele y afayaizu.
- El xueves yá les temperatures van disparase, sobrepasándose los 30ºC en dellos puntos del interior, a la vez que puen surdir delles nubes baxes pol contraste de temperatura ente la tierra y el mar pela costa ocidental anque nun sedrán nin mui xeneralizaes nin mui abondoses, amás l’aire nordés dirá amenorgando per esa fastera.
- El vienres tendremos un descensu moderáu de les temperatures cola posibilidá de dalgún xarabatu tormentosu pero esto yá lu diremos viendo.
