- https://celsius232.es /Facebook / Del 15 al 19 de xunetu / Programa
El Festival Celsius d’Avilés arrinca con llargues coles para llograr la firma de Brandon Sanderson y la presentación d’una antoloxía fantástica n’asturianu.
Brandon Sanderson asegura sentise como en casa nel Celsius 232. TPA
El creador del universu Cosmere asegura que quier escribir más noveles con otra temática.
Brandon Sanderson ta como en casa nel Celsius d’Avilés. Cuntólo güei na so primer rueda de prensa abierta a los medios. El creador del Cosmere aseguró que quier escribir más noveles, con otra temática, una vegada remate les sagues del so particular universu.
Pa que se fagan una idea, la rueda de prensa nun taba n’axenda, pero tal foi’l volume de pidimientos pa entrevistar a Brandon Sanderson que la convocatoria foi inevitable.
Él ye’l superventes de la lliteratura fantástica, el creador del universu Cosmere. El protagonista total del Celsius 232, un festival qu’adora.
‘Elantris’, la triloxía ‘Arena Blanca’ o ‘El Aliento de los Dioses’ formen l’universu Cosmere. Pa los profanos, vien a ser como l’universu Tolkien o Marvel, pero multiplicáu por 10, por eso confiesa que necesita un respiru.
