La Educación tuvo un papel destacáu na vida d’Antonio Trevín. Anque vivía en Llanes, los sos raigaños, dicía, yeren de toa Asturies. Antonio Trevín empezó la so carrera de maestru en Llanes. Reportaxe en Clave de Fonde TPA.

Nel programa de TPA, ‘Vides públiques, vides privaes’ reconocía que yera afortunáu nel amor.

Amás de repasar la so trayectoría política, naquella entrevista afayó otres facetes de la so vida privada, como que lo suyo nun yera la cocina.

Anque dedicó más de la metá de la so vida llaboral a la política, la Educación tamién tuvo un papel destacáu. Foi director provincial d’Educación nos 80, y ye que Trevín yera maestru. Empezó dando clases d’EXB en Llanes, y a les aules volvió dempués de ser presidente del Principáu.

Reconocíase afortunáu na so vida llaboral, y tamién na sentimental. Casóse dos vegaes y por ello dicía, yera una persona con suerte.

El socialista Antonio Trevín Lombán, presidente del Principáu ente 1993 y 1995, finó esti miércoles a los 69 años, venti díes dempués d’arrenunciar a la so acta de conceyala nel Conceyu de Llanes y en dedicando cuatro décades de la so vida a la política, informó la Federación Socialista Asturiana (FSA-PSOE).

Maestru de formación, *Trevín (Avilés,1956) ocupó numberosos cargos de responsabilidá tanto nel ámbitu local como nel autonómicu yá que, amás de presidir mientres dos años el Gobiernu del Principáu, foi delegáu del Gobiernu n’Asturies (2004-2011), alcalde de Llanes en dos períodos (de 1987 a 1993 y de 1999 a 2004), director provincial d’Educación (1985-1987) y diputáu nel Congresu ente 2011 y 2017.

Asturies rinde un últimu tributu a Trevín,
un home que «dexó la piel» pola política.

• El Gobiernu asturianu decreta tres díes de llutu oficial na comunidá.

El que fuere presidente del Principáu ente 1993 y 1995, Antonio Trevín, morrió ayeri a los 69 años, y foi homenaxáu esti xueves al pieslle de la capiya ardiente instalada na sede del Gobiernu asturianu nun actu nel que la so vilba, Luisa Lledías, pidió que nun s’escaeza la herencia d’una persona que «amaba tanto la política que dexó la piel por ella».

Dempués d’ocho hores nes que tuvo abierta la capiya ardiente, el palaciu de la Presidencia d’Uviéu acoyó un homenaxe nel que participó’l xefe del Executivu autonómicu, Adrián Barbón, y tomó la palabra la so vilba p’agradecer les abondes muestres d’afectu recibíes qu’amuesen que «lu queríen de verdá».

«Nunca nun escaezáis na vuestra memoria y nel vuestru corazón a un home qu’amaba tanto la política que dexó la piel por ella», señaló mui emocionada, dempués d’asegurar que Trevín «marchó con una gran sorrisa».

Llanes, de llutu pol fallecimientu d’unu d’esos vecinos más pernomaos. Los llaniscos recuerden con ciñu a Antonio Trevín, el que fuera’l so alcalde mientres once años y conceyal de la oposición hasta va pocos díes.