La mayor cantidá d’exemplares volvió salir del Narcea. La temporada del salmón cerróse con un fuerte descensu de captures: 130 exemplares, lo que supón un terciu de les del pasáu añu. La mayor cantidá salió, como siempres, del Narcea: 97. Nel Seya fueron 24, nel Cares siete, nel Eo dos y nel Esva, nengunu. En total, 246 salmones menos que la campaña de 2024.
Según l’Asociación de Pesca Fluvial y la Conseyería, l’añu pasáu hebo 376 captures, lo qu’amuesa esti esbarrumbe en tolos ríos. La cayida ye en picáu dende fai 13 años. Pasamos de más de 1.000 captures en 2012 a les 376 de 2024, y de confirmase, al poco más de centenar d’anguaño.
