Tornen al so país con una revista editada con nueve artículos. TPA Noticies tuvo colos nueve estudiantes de periodismu de la Universidá de Oregón que dempués d’un mes de cursu n’Uviéu tornen al so país con una revista editada na que falen de les hestories qu’atoparon n’Asturies.
Nueve artículos sobro la llingua asturiana, la inmigración, les ‘drag queens’ d’Uviéu o’l Camín Primitivu, qu’agora van presentar na so tierra.
Sobre’l luxu de tener una llingua propia escribió Martha. Perry cunta que la nuesa Mafalda del parque siempres tien razón y Violet pregúntase, partiendo d’esi Woody, si nun tendríamos de dixebrar al artista de la persona.
Sobre la comunidá xudía del Principáu escribe Annie y sobre los actos del primer pelegrín Fallon. Hannah párase na xente de los Estaos Xuníos qu’escoyó Asturies pa vivir. Un llugar qu’Emma desvela tien munches semeyances col so estáu. Un llugar del que munchos, diz Madison, tuvieron que colar
El sábadu dexen Uviéu pa volver a Oregón, onde van presentar la so revista coles hestories d’una ciudá que les conquistó.
