El Mundo /
McMenú un 61% más caru y l’arriendu peles nubes: Madrid y Barcelona, ente les ciudaes europees onde más aumenta’l costu de vida. Arrendar un pisu na capital cuesta un 60% más que va cinco años, ente que tomar una Coca-Cola nun chigre de la Ciudá Condal ye un 33% más caru qu’en 2020.
Antes de la pandemia, un veceru podía entrar n’un McDonald’s de Londres, París, Copenhague o Ámsterdam, pidir un McMenú normal y entá salir con daqué de cambéu en pagando con un billete de 10 euros. Entós, el preciu mediu d’esti menú nes principales capitales europees rondaba los 7,20 euros. Sicasí, según un recién estudiu de Deutsche Bank Research, en 2025 precísense yá 11,8 euros de media pa esfrutar del mesmu combu que sirve la conocida cadena de comida rápida.
Nel casu d’España, los precios tamién esperimentaron una notable medría nos postreros cinco años. En 2020, tanto en Madrid como en Barcelona, el menú costaba alredor de 7,30 euros. Cinco años dempués, ese mesmu menú cuesta 10 euros en Madrid y hasta 11,8 euros en Barcelona, lo que reflexa xuna xubida del 35,6% y 61,6% respectivamente. Esta postrera ye xuna de les más altes d’Europa, asitiando a Barcelona como la octava ciudá más cara pa consumir un McMenú.
L’encarecimientu de la comida rápida forma parte d’un enclín xeneral a l’alza nel costu de vida, que tuvo especial impactu nos precios del arriendu. Según el mesmu informe, tanto en Madrid como Barcelona non solo xuben los precios en McDonald’s, sinón que tamién figuren ente les ciudaes onde más aumentó l’arriendu d’un apartamentu d’una habitación dende 2020. En concretu, Madrid rexistró xuna xubida del 59% y ye la cuarta ciudá con mayor aumentu n’Europa, solo superada per Istambul, Lisboa y Edimburgo. Nestos niveles allúgase la Ciudá Condal, que nun se queda tras, con un aumentu del 47% y asítiase nel quintu llugar con más aumentu.
Anguaño, el preciu mediu del arriendu nestes dos ciudaes supera al d’otres capitales europees como Frankfurt, Berlín, Roma, Bruxeles, Viena, Praga o Moscú -si val como ciudá europea-, algamando los 1.629 euros en Madrid y los 1.547 euros en Barcelona. Si centramos l’analís en ciudaes de la Unión Europea, Madrid convirtirtiose na segunda con mayor medría nel arriendu d’un inmueble d’una habitación dende l’añu de la pandemia, solo por detrás de Lisboa, ente que Barcelona ocupa la cuarta posición, por detrás de la capital portuguesa, la española y Varsovia.
La xubida notóse tamién n’otros productos, según l’informe. Por casu, un refrescu Coca-Cola o Pepsi nun chigre madrilanu xubió un 45% y en Barcelona un 33%, hasta los 3,13 y 2,74 euros de media, respectivamente. Estes xubíes son xenerales en distintos productos. Dende pantalones jeans, hasta capuchinos, o cervezasy botelles de vinu.
Los aumentos siguen, en parte, la evolución del IPC (Índiz de Precios de Consumu), qu’atropa xuna inflación del 22,1% ente xunu de 2020 y xunu de 2025, según l’últimu datu disponible. Esti repique tuvo impulsáu pola pandemia, la guerra n’Ucrania y les tensiones n’Oriente Próximu
BAXADA NEL PRECIU D’INTERNET
Sicasí, non tou son xubíes. En contraste con esti enclín inflacionaria, l’informe destaca una cayida significativa nel preciu de la conexón a internet de banda ancha (60 Mbps o más) nes principales ciudaes españoles. Ente que el costu mediu n’Europa aumentó un 9,1% nos postreros cinco años, Madrid y Barcelona son les dos ciudaes que lideren la baxada de precios: -25,5% y -19,6%respectivamente. Esto asitia a dambes ciudaes na otra parte de la tabla, pembaxo, como dos de les ocho ciudaes que tuvieron un descensu nel preciu dende l’añu 2020.
Esto refuerza les midíes del INE, que constaten que los servicios de telefonía son prácticamente l’únicu sector deflacionista si tomar de referencia 2020, l’añu del arranque de la pandemia. Anque’l so usu disparóse, y más cola intelixencia artificial, l’alta competitividá y el refuerzu d’operadores d’ultra baxu costu como Digi provocaron xuna cayida sostenida de los precios, especialmente nos paquetes de fibra y móvil.
