¿Qué cosa cosadiella ye?
Un llibru d’aldovinances editáu en castellán y asturianu (ficha editorial), recueye la tradición oral, propón les aldovinances como un xuegu y, cuasi ensin querer, llévanos a otres dómines. Hasta 72 aldovinances, dalgunes más fáciles qu’otres, pero pa toes una ilustración que pue ayudar a resolveles porque, en dalgunos casos, faen referencies a coses qu’agora tán cuasi escecíes. El llibru cunta con ilustraciones de Laura Varela. TPA
Un llibru pa xugar, imaxinar y adivinar, con escenes ilustraes enllenes de pistes, sorpreses y secretos. Una esbilla de cosadielles populares, poétiques y divertíes que percuerren les actividaes y momentos del día: na escuela, d’escursión, na plaza, na oriella de la mar… ¿Atréveste a intentar acertales? Ideal pa trabayar la oralidá, el pensamientu llateral, la comprensión llectora y la creatividá en neñes y neños de seis años p’arriba.
Edición ilustrada y cuidosa que revaloriza les adivinances como tresoru lliterariu y cultural, favoreciendo igual la llectura autónoma que la compartida.
Un álbum pa:
– Neñes y neños de 6 años p’arriba que gocien xugando cola llingua, la lóxica y la imaxinación.
– Docentes d’Educación Primaria que busquen recursos lúdicos pa estimular la comprensión llectora, el pensamientu llateral y el conocimientu intercultural.
– Families llectores que valoren los momentos compartíos d’inxeniu, humor y tradición oral.
– Llibreríes y biblioteques con seiciones dedicaes a lliteratura infantil, xuegos de pallabres, folclor y cultura popular.
