Asturies prepárase para lo peor de la fola de calor, col termómetru abargana de los 40 graos. L’Aemet esclúi a Asturies de l’alerta, única comunidá en tol país, mientres Salú l’activa en Picos d’Europa. Nivel máximu d’avisu: mariello. El Comercio
Según el mapa que publica l’Aemet, Asturies llibrase de la fola de calor que ta amburando a tol país y que, según la última actualización, siguirá faciendolo hasta’l próximu miércoles, anque «hai bastante incertidume inda». Ello ye que na xornada d’ayeri, el Principáu yera la única comunidá autónoma que nun tenía activáu nengún avisu. Pero eso nun significa qu’Asturies nun tea pasando calor. Y enforma. Ayeri, les temperatures tuvieron polos 30 graos en munchos puntos de la rexón.
Ello ye que teniendo en cuenta que’l sistema d’avisos del plan nacional d’actuaciones preventives de los efectos de los escesos de temperatura ye distinta al de l’Aemet, ayeri la Conseyería de Salú activó l’alerta por altes temperatures en Picos d’Europa, onde alvertía de que podíen algamase los 28 graos. Pa güei ye posible que l’alerta estiéndase a tol suroccidente ya inclusive a la mariña occidental.
