- Cúmplense 70 años de la inauguración de la presa de Grandas de Salime. TPA
- https://www.facebook.com/entrambastur /
El Banzáu de Salime ta cumpliendo 70 años. Asitiáu sobro’l calce del Ríu Navia, na confluencia de los conceyos de Pezós, Ayande y Grandas de Salime, con una presa de 128 metros d’altor.
La presa yera la más grande d’España y costó 800 millones de les antigües pesetes. L’embalse de Grandas de Salime ta, esti fin de selmana, d’aniversariu. Cúmplense 70 años de la inauguración de la mayor presa d’Asturies. Semeyes: Ana Mª Álvarez
800 millones de les antigües pesetes costó la faraónica construcción de la presa de Grandas de Salime. Una obra que duró 10 años y que foi inaugurada n’agostu de 1955 por Franco. Daquella yera la presa más grande del país, la segunda d’Europa.
Usáronse 630.000 metros cúbicos de formigón, tou un récor na dómina. De mano, los materiales xubíense dende la costa en camiones, 100 caldía, pero yera dalgo inviable. Poro, construyóse un teleféricu de 37 kilómetros. 650 vagonetes llegaben caldía, cargaes de clinker.
Pa la so construcción fueron inundaes 2.000 finques, 25.000 árboles, ocho pontes, cinco ilesies, cuatro cementerios y dellos pueblos. Ente ellos, la capital de Grandas daquella: Salime. Dalgunes de les sos ruines entá son visibles, esplica la historiadora Ángela Ferreira.
Una presa con sorpreses artístiques gracies a un mural de más de 60 metros de llargu pintáu por Joaquín Vaquero y el so fíu, nel que s’amuesen pasaxes de la so construcción.
Arte que tamién podemos ver na so fachada, con figures que s’acabaron de tallar a mano y qu’engrandecen una instalación na que, va mediu sieglu, trabayaben una trentena d’operarios. Güei namás siete de caltenimientu.
La central contrólase remotamente dende fuera d’Asturies. La so puesta en serviciu supunxo un enantes y un dempués pa la fastera. Una obra que, 70 años dempués, sigue impresionando.
