Los conceyos que conformen la Contorna de la Sidra acueyen del 5 al 8 de setiembre los actos conmemorativos del Día d’Asturies. Villaviciosa, Colunga, Nava, Bimenes, Sariegu y Cabranes. Cultura en Rede.
El Principáu d’Asturies va celebrar anguaño’l Día d’Asturies na Contorna de la Sidra, que va ser l’anfitriona de los actos conmemorativos. Ente’l 5 y el 8 de setiembre, los conceyos de Nava, Villaviciosa, Colunga, Bimenes, Cabranes y Sariegu van enllenase de música, cultura y tradición nunes xornaes que reflexen lo meyor de la nuesa identidá colectiva.
Mientres cuatro díes, la programación va combinar mercaos tradicionales, amueses d’artesanía y gastronomía, exhibiciones de deportes y xuegos autóctonos, actividaes infantiles y espectáculos de cai. Tamién va haber espaciu pa la participación de colectivos locales y asociaciones culturales, que van apurrir la so creatividá y esfuerzu a una cita que cada añu une a toa Asturies.
El patrimoniu histórico y natural de la contorna tamién va tener un papel protagonista, con visites empuestes, talleres y propuestes pa tolos públicos, nun programa pensáu pa esfrutar en familia y abiertu a residentes y visitantes.
El Día d’Asturies volverá ser, asina, xuna gran fiesta d’alcuentru en redol a les nueses tradiciones, cola cultura sidrera como símbolu y nexu común.
