Vamos amanecer con dellos intervalos nuboso pero, a lo llargo de la mañana, van sumir por completu de forma qu’a mediudía va tar estenáu en prácticamente tol Principáu d’Asturies. La tarde va tar asoleyada y, namá nel tramu final del día, ye posible qu’apaezan delles nubes altes insignificantes. Les temperatures máximes van xubir sobremanera na metá occidental y tamién nel sur de la rexón. Nel restu, van caltenese ensin cambeos o, sía que non, podríen xubir pero llixeramente. Tocantes a les mínimes nun van variar respectu al sábadu, salvo en zones altes del cordal onde sí s’espera que xuban. Los vientos van soplar de nordeste con raches moderaes especialmente na mariña onde podríen llegar a rexistrase raches d’hasta 40 km/h.
El llunes va ser un día totalmente veraniegu con cielos soleyeros dende primer hora (anque nun se refuguen delles gurrianes nel interior central a l’amanecida). Los vientos van siguir predominando de nordeste anque daqué más fluexos. Les temperatures van xubir hasta 6 ºC en tol interior, y daqué más moderáu va ser l’ascensu na mariña. Poro, nes zones más templaes d’Asturies superarán los 30 ºC.
