Esperamos nubes baxes a primeres hores de la mañana, pero col intre de les hores estes nubes van sumir dexando’l cielu, a lo sumo, con intervalos de nubes altes ensin importancia. Les precipitaciones van ser bien pocu probables pero, mientres tean presentes les nubes baxes, nun se refuga que pueda escapase dalgún orbayu bien pocu significativa en zones de la metá norte asturiana. Los vientos van predominar de nordeste fluexos nel interior y con raches moderaes na mariña. Les temperatures máximes van xubir de forma importante nel cordal y nel suroccidente, de forma más moderada nel restu del interior, y bien llixeramente o apenes inapreciable na mariña.
El xueves va ser un día soleyeru mientres casi tola xornada. Vamos poder amanecer con cierta nubosidá na metá norte asturiana, pero tol Principáu va acabar llimpiu de nubes a partir, sobremanera, del mediudía. Tarde polo tanto soleyera y acompañada d’unes temperatures que, llixeramente, van ser daqué más altes que les del miércoles. Los vientos van siguir soplando de nordeste na mariña con dalguna qu’otra racha moderada (más fluexes que la del miércoles), ente que nel interior apenes se van notar.
