La previsión obliga a activar l’avisu mariellu costeru hasta les 12 del mediudía por fuertes vientos mar adientro y la posibilidá de foles d’hasta 4 metros d’altor. Espérase que na mariña puedan superase los 60 o 70 km/h. Escontra l’interior les raches van ser moderaes d’hasta 40 o 50 km/h, anque va haber puntos de monte que podríen tamién superar los 60 km/h.
En cuanto al estáu de los cielos, prevense intervalos nublos mientres tol día. La probabilidá de precipitaciones nun va ser alta pero nun se refuga que pueda escapase dalguna precipitación pocu importante. Les temperatures máximes van xubir llixeramente na metá sur asturiana (hasta 1 o 2 ºC más qu’esti xueves) y de forma daqué más moderada na metá norte (hasta 3 o 4 ºC más). Les mínimes van xubir de forma xeneralizada ya inclusive notable con xubíes de más de 5 ºC en relación a les anotaes esti xueves.
