TPA/
La Coordinadora Ecoloxista denuncia que se caltién disparada la contaminación polos incendios. Dende la Fundación Osu Pardu fálase yá de «catástrofe mediuambiental». Guillermo Palomero, director de la Fundación Osu Pardu, asegura qu’hai munches rutes oseres, calcinaes dafechu. La Coordinadora Ecoloxista denuncia que se caltién disparada la contaminación polos incendios.
Dende la Coordinadora Ecoloxista d’Asturies denuncien que se caltién disparada la contaminación por micropartícules per toa Asturies por mor de los incendios forestales. Les condiciones, afirmen, son mui desfavoratibles na zona del Narcea. Desfavoratibles n’Uviéu y Avilés y regular en Xixón y Mieres.
El sector turísticu de Cabrales rexistra pérdides de más del 50% pol incendiu forestal de Los Picos d’Europa
El sector turísticu del conceyu de Cabrales rexistra pérdides de más del 50% pol incendiu forestal de Los Picos d’Europa.
Los establecimientos turísticos de Cabrales lleven dos díes recibiendo cancelaciones d’última hora polos incendios de Los Picos d’Europa.
En Camarmeña, los hosteleros tán ufiertando los sos servicios con della normalidá porque l’incendiu forestal nun ta afectando a la población cabraliega, según los afectaos.
La ruta del Cares lleva yá cuatro díes zarrada a los senderistes ente Poncebos y Caín por riesgu d’argayos.
