Les grandes superficies y sobre manera el comerciu online lleven bona parte de les ventes. L’Asociación de Llibreros del Principáu d’Asturies considera que les editoriales xueguen con una competencia deshonesta.
Una situación que derivó nun amenorgamientu d’ente un 30 y un 40% nes ventes de llibros de testu con respecto al añu pasáu. Les compres de llibros al traviés de plataformes o’l papel que tán adoptando dellos centros educativos nes ventes xenera desigualdaes nos precios qu’acaben asumiendo les families.
Por ello, encamienten a los padres a tomar conciencia d’esta situación enantes d’acabar el cursu escolar y non cuando se vayan mercar los llibros.
Un problema que lleva años golpiando a les llibreríes, pero qu’agora empieza a afectar tamién a les grandes superficies.
