- TPA: Los propietarios de montes privaos puen rozar, faer lleña y valtar, siempres que pidan permisu.
Pumares propón un «gran pactu» pola prevención de quemes y la llimpieza de montes. Como propietariu d’un monte la llei autorízate rozar, valtar y el plantíu d’especies, siempres que se pida autorización.
Les úniques restricciones tán nes paraxes naturales. Y solo llenda, dafechu, en casu de riesgu estremu de quema. Valtar tamién ta autorizao.
El director xeneral de Montes llamenta’l mantra de dellos sectores al falar de restricciones escesives.
Anguaño seis de cada diez montes tán en manes privaes y la mayoría abandonaos.
Pumares propón un «gran pactu» pola prevención de quemes y la llimpieza de montes
El secretariu xeneral de Foro Asturies y diputáu autonómicu, Adrián Pumares, propunxo esti sábadu «un gran pactu ente toles fuerces polítiques y les persones que viven nel mundu rural» pa trabayar na prevención de quemes y la llimpieza de los montes.
Pumares asistió güei, acompañáu de la vocera municipal en Casu, Emilia Calvo, al XXXV Certame de Quesu Casín, dende onde acusó al presidente del Principáu, Adrián Barbón, de «culpar de les quemes al cambéu climáticu pa evitar falar de lo que sí ye la so responsabilidá: seis años con una nefasta política forestal».
