- El Llagar de Cualloto lleva otra vuelta’l quesu más caro del mundu.
El ritual ta a piques d’entamar, la puya del mejor quesu Cabrales. Cinco restauranes d’Asturies y tres de Madrid llucharán por llevar la pieza ganadora del certame del quesu asturiano más internacional y el más caro del mundu. En 36.000 euros puyóse l’añu pasáu. Llevólo per quinta vegada siguida el Llagar de Cualloto.
La quesería Ángel Díaz Herrero, de Tielve, nuevu récor Guinness, dempués d’algamar el so quesu Cabrales los 37.000 euros, que pagó otra vuelta’l Llagar de Cualloto.
El domingu n’Arenas (Cabrales) celébrase la tradicional puya de quesu y les espectatives son mui altes.
Lo del añu pasáu ye, oficialmente y según el llibru Guinness de los Récords, el quesu más caro del mundu. Pagáronse 36.000 euros.
Batió toles marques, pero los años anteriores les cifres nun fueren baxes: ensin tener en cuenta los años 2020 y 2021 nos que nun se celebró la puya pola pandemia, el restu d’años les puyes máximes algamaron dende los 14.300 a los 30.000 euros.
Y en toos esos casos, nes últimes cinco puyes celebraes, el comprador foi’l mesmu: el Llagar de Cualloto.
📸 Paloma Ucha
Asina ye la pequena quesería de Tielve onde Encarni Bada creo un quesu Cabrales de récord. TPA
