- El PSOE pide l’allugamientu de redes que frenen la entrada d’aguamales nes sableres de Xixón. TPA
- Detectaes carabeles portugueses en 15 sableres d’Asturies.
El conceyal del grupu municipal socialista en Xixón Ramón Tuero pidió esti miércoles al Gobiernu local qu’estudie la posibilidá d’instalar redes pa frenar la entrada de carabeles portugueses na mariña a partir de 2026.
Nuna comparecencia énte los medios na Feria Internacional de Muestres d’Asturies (Fidma), el conceyal anunció que va treslladar un pidimientu nesti sen a la próxima Comisión de Mediu Ambiente, que se va celebrar en setiembre, dempués de que la presencia d’esta especie obligara a cerrar al bañu, «un añu más y per dellos díes», les sableres xixoneses.
Tuero remarcó que «güei » en San Llorienzo hai bandera colorada por esti motivu y afitó que la llegada de carabeles portugueses «nun ye un fechu puntual», sinón daqué que «va soceder tolos branos» por cuenta de, ente otros factores, el calentamientu del agua, polo que «hai qu’aprender a convivir con elles y tomar midíes».
