Vuelve La Favorita de Xuan Bello a L.luarca. Del 4 al 7 de setiembre, L.luarca acueye la segunda edición del Festival de Cultura Contemporanea, qu’anguaño rinde homenaxe al escritor asturianu apocayá fináu Xuan Bello. Música, artes escéniques, lliteratura y propuestes creatives van enllenar de vida escenarios tan especiales como: el puertu de L.luarca, la ilesia, les places del pueblu. Un festival abiertu, en diálogu cola memoria, el territoriu y la creación contemporanea.
