El Principado de Asturias empecipia’l procedimientu para ufiertar per primer vegada la enseñanza de llingua asturiana nes Escueles Oficiales d’Idiomes (EOI). Web EOI- L’estrenu va tener llugar esti cursu académicu 2025-2026 na EOI d’Uviéu, na modalidá presencial, nos niveles básicos A1 y A2, entemediu B1 y avanzáu C1. Nortes.me
- El plazu de presentación de solicitúes ta yá abiertu y va cerrase el llunes 29 de setiembre.
- El periodu de matriculación va tar abiertu del 6 al 8 d’ochobre, dambos inclusive.
- Según establez el nuevu decretu aprobáu a finales d’agostu, que modifica’l d’ordenación de les enseñances d’idiomes de réxime especial de 2018, la introducción del asturianu va llevar a cabu esti cursu nos niveles básicos A1 y A2, l’entemediu B1 y l’avanzáu C1. Y el próximu añu ta prevista la incorporación del nivel entemediu B2.
- La ufierta formativa inicial va constar de cuatro grupos –unu per cada nivel-, con una ratio máxima de 25 estudiantes per grupu.
- Introducción progresiva. Ese nuevu decretu establez tamién que la implantación de la llingua asturiana nes Escueles Oficiales d’Idiomes va efectuase de manera progresiva y atendiendo a criterios de suficiencia presupuestaria y disponibilidad, lo mesmo que de la ufierta que puedan asumir les distintes escueles. Nun futuru contémplase tamién la enseñanza del eonaviego, que tendrá de completar primero la normativa de los niveles de certificación.Esta iniciativa coincide col estrenu, tamién nesti nuevu cursu escolar, de la enseñanza del asturianu nel segundu ciclu d’Educación Infantil, otru de los compromisos del Gobiernu para promocionar les llingües autóctones.
Perpréstanos informate de que l’asturianu yá se pue cursar na Escuela Oficial d’Idiomes na so sede d’Uviéu. El plazu d’inscripción ye del 23 al 29 de setiembre. Niveles ufiertaos: Básicu A1 y A2, Intermediu B1.1 y Avanzáu C1.1. Los conocimientos cursaos coinciden colos que son esaminaos nes pruebes oficiales de certificación de Llingua Asturiana convocaes pola Conseyería d’Educación. Darréu tienes tola información.
- https://www.educastur.es/-/admision-extra-alumnado-eoi-convocatoria-calendario-asturiano?redirect=%2Festudiantes%2Fidiomas%2Festudiar-eoi%2Fadmision
- https://alojaweb.educastur.es/web/eoioviedo/lengua-asturiana
- Más info: Educastur / Web EOI
Normativa d’aplicación:
- Decreto 47/2019, de 21 de junio, por el que se establecen los niveles de competencia en el uso de la lengua asturiana y se regula la prueba de certificación correspondiente a dichos niveles adaptados al Marco Común Europeo de Referencia de las Lenguas.
- Decreto 63/2018, de 10 de octubre, por el que se establece la ordenación y el currículo de las enseñanzas de idiomas de régimen especial en el Principado de Asturias.
- Decreto 105/2025, de 25 de agosto, de primera modificación del Decreto 63/2018, de 10 de octubre, por el que se establece la ordenación y el currículo de las enseñanzas de idiomas de régimen especial en el Principado de Asturias.
