- Abel Fernández está con Félix Ignacio González.
- Corremolinos canelu: wiki /
Pasaron 15 años dende’l mio postreru contacto qu’esta formosa ave divagante americana, que nun ye otra qu’el correlimos canelu. Nesta ocasión l’amigu Félix Ignacio González foi’l primeru que dio col na nuesa quería cuchilandia. Namás salir del so trabayu decidió dase una vuelta pela mañana pola rasa costera del conceyu de Gozón.
Sobro los dolce de la mañana acolumbra ente les yerbes un exemplar de limícola qu’en mandándome xuna captura contésto-y de momentu, !! ye un correlimos canelu!!. Yo nesos momentos nun dispongo de coche hasta les trés de la tarde asina que toca esperar y cruciar los deos por que nun se cole. La decisión por que esto nun asoceda ye que se queda a esperar hasta que llegue y de camín que los pasiantes de perros nun lu axoricen.
Sabía decisión, pos en trés ocasiones tuvo que comentar que por favor pasaren un pocu más alloñaos de la zona onde s’atopaba’l canelu comiendo. A les cuatro aprosimao llego a la zona, con una bolsa d’avituallamiento – bocáu de llombu ibéricu con quesu de cabra, xunas cirueles claudies y botellín d’agua fresco- por que’l compañeru nun esmoreza.
Dos hores intenses reptando d’equí p’allá, esfrutando y respetando la distancia fayadiza por que nun se sintiera cafiante. Quien sabe cuando va ser la próxima vegada que veamos a un exemplar tan confiáu. Bon viaxe.
