El 65% de los mensaxes d’odiu que’l Gobiernu reportó al traviés del so Observatoriu Español del Racismu y la Xenofobia (Oberaxe) en 2024 nunca fueron quitaos y solo’l 4% de los que sí fueron borraos desapaecieron nes primeres 24 hores d’esposición, un periodu clave pa frenar la so viralización y menguar l’impactu del discursu.
Son datos del informe añal del Oberaxe relativu a 2024, dau a conocer esti martes tres la primer xunta del grupu de trabayu de la ministra d’Inclusión, Seguridá Social y Migraciones, Elma Saiz, con representantes de Meta, YouTube y TikTok pa combatir los mensaxes d’odiu, racistes y xenófobos nes redes sociales.
Según esti informe, el Gobiernu detectó 2.870 conteníos consideraos como discursu d’odiu racista, xenófobu, antisemita, antixitanu o islamófobu en 2024, de los que solo fueron quitaos un 35%, una tasa «insuficiente» teniendo en cuenta que’l 96% infrinxe les normes de les plataformes.
