El gorila ye un iconu de la vida selvaxe, símbolu de fuerza y cercanía cola nuesa especie. Pero’l so futuru ta amenaciáu pola perda d’hábitat, la caza furtiva y les enfermedaes. Protexelos ye protexer un patrimoniu únicu. Son primates herbívoros qu’habiten los montes d’África. Son los primates vivos más grandes.
Miden ente 1,2 y 1,7 metros cuando tán sobro les dos pates. Los machos adultos pueden pesar hasta 200 quilos, ente que les femes nun suelen superar los 100 kg. Ye dicir, un gorila promediu puede llegar a pesar ente 140 y 180 kg.
Son principalmente herbívoros y dediquen casi la metá del so día a alimentase de tarmos, biltos de bambú y una gran variedá de frutes, dieta que complementen con invertebraos y corteces d’árboles. Sábese tamién que delles subespecies ruempen niales de termites y aliméntense de los bárabos.
Viven en grupos familiares d’ente 5 y 10 individuos de normal, pero se conocen casos de pareyes y de grupos de más de 50, lideraos por un machu dominante que caltien la so posición mientres años.
Hai dos especies: el gorila occidental (Gorilla gorilla) y l’oriental (Gorilla beringei) con dos subespecies caúna. Noticia
El so ADN ta compuestu de 3 041 976 159 pares de bases que codifican 20 962 xenes proteicos compuestos de 237 216 exones y ye un 97-98 % igual al humanu, siendo los sos parientes vivos más cercanos dempués de les dos especies del xéneru Pan (chimpancés y bonobos).
Son un xéneru en peligru d’estinción, y les sos especies fueron blancu de cazadores furtivos mientres enforma tiempu. Les amenaces a la supervivencia de los gorilas inclúin la destrucción del so hábitat y la cacería. Esta postrera amontóse colos conflictos armaos nos países en qu’habita, y un creciente interés en zones afluentes poles carnes exótiques.
