Les últimes nueches actuaron na avenida del Cordal Cantábricu, al otru llau del parque fluvial. Una docena de xabalinos ta causando nos últimos díes graves estroces en parterres y xardinos de Viesques, en Xixón. La piara, integrada por dos adultos y diez xabatos, repitió yá delles nueches visita a la parte más alloñada del barriu de la zona esti de la ciudá. En concretu, fueron grabaos y fotografiaos na avenida del Cordal Cantábricu que vertebra les urbanizaciones asitiaes al otru llau del parque fluvial de Viesques. El Comercio
Nes imaxes tomaes polos vecinos, reparase a los suidos riolando a los sos deleres polos parterres, dexando al so pasu xardinos dafechu estrozaos. Según informa, una cuadriella del serviciu municipal de Parques y Xardinos «ta allegando cada mañana a recolocar los tapines llevantaos, pero ye un trabayu en baldre porque los xabalinos revuelven más pela nueche de lo que los operarios municipales puedan faer cada mañana». El comunicante, en calidá d’afectáu, considera llegáu’l momentu de tomar dalguna midida más drástica que reparar los daños. «Dalguna solución va haber que buscar», apuntó na so comunicación coL COMERCIU.
El pasáu 13 d’agostu, fai xusto un mes, esti periódicu publicaba un vídeu nel cual reparábase una piara de xabalinos riolando a los sos deleres por Somió, col aspeutu de tratase esactamente de la mesma qu’agora tomó afición a Viesques. El 3 y el 4 de setiembre, EL COMERCIU volvió informar de l’acción d’estos suidos nes *rotondas del Xardín Botánicu y la del caballu’, d’entrada a Viesques dende la ronda sur, qu’apaecieron dellos díes colos sos xardinos totalmente llevantaos.
