Tres les agües d’esti llunes coles qu’empecipiábamos la estación serondiega, güei martes va dir ameyorando’l tiempu claramente en comparanza coles condiciones meteorolóxiques. Anque vamos amanecer con cierta nubosidad, vamos reparar cómo se van dir abriendo claros nel cielu a midida que vaigan trescurriendo les hores. Asina tou, nun se refuga que pueda escapase dalguna gota mientres la primer metá del día, sobremanera nel sector oriental. Los vientos van predominar de componente este con delles raches moderaes especialmente na mariña. Les temperatures máximes van xubir en tol Principáu. Nel cordal y suroccidente hasta 5 graos al respective de la xornada anterior, nel restu del interior hasta 4 graos más, y na mariña y zones próximes hasta 3 graos. Les mínimes van caltenese a esceición del sector central onde van baxar.
El miércoles preven cielos pocu nublos o estenos al igual que tamién s’esperen para’l xueves y el vienres. Amás, les temperatures van tender a l’alza anque nun van ser ascensos bien importantes cuidao que lo normal va ser algamar los 20 graos o superalos llixeramente.
