La previsión del tiempu n’Asturies para esti llunes agora cielos bien nublos con, a lo sumo, delles cobardes escamplaes escontra’l suroccidente. Estes nubes van tar presentes nel cielu mientres tola xornada prácticamente de principiu a fin. Mientres la mañana nun se refuguen precipitaciones de calter débil. Pela tarde la probabilidá d’agües va ser muncho más baxa o nula. Los vientos van soplar de nordeste fluexos con raches moderaes nel occidente y zones costeres. Les temperatures máximes van ser similares a les d’esti domingu salvu nel estremu más oriental onde, llixeramente, van baxar un pocu. Les mínimes namá van baxar en zones altes del cordal, calteniéndose ensin cambeos nel restu del Principáu.
El martes, anque vamos empezar la xornada entá con cierta nubosidá vamos reparar como les nubes van ser cada vez menos compactes a lo llargo del día. Nun s’esperen precipitaciones en nengún momentu. Les temperatures diurnes van xubir un par de graos respecto al llunes, salvu nel cuadrante nordés onde nun van esperimentar variaciones. Les mínimes van baxar sobremanera na zona central d’Asturies.
