Estáu del tiempu: llunes 1 de setiembre

Alborecemos con nubes ya claros, tando más nuboso na fastera ocidental ya con unes temperatures que tan alrodiu de los 13ºC, rexistrándose nel puirtu Payares 5,3ºC
Güei vamos tener el cielu con intervalos nubosos predominando los grandes claros con unes temperatures que van camudar poco, calteniéndose fresques ya col aire gallegu que seguirá soplando con fuercia nes zones espuestes y llitoral.

Mañana martes va tar nuboso pela mañana pa dir dixebrándose les nubes a lu llargu la mañana y dexanos una tarde con escasa nubosidá, amás les temperatures másimes ascenderán moderadamente, mentanto les mínimes van caltenese fríes. L’aire seguirá siendo gallegu con raches fuertes na costa y zones espuestes.
El miércoles vamos tener el cielu más puercu, amás les temperatures másimes seguirán subiendo y durante la tarde dirán desendolcándose les nubes pa dexanos xarabatos de calter tormentosu al finar el día. Esti día l’aire amenorgará y sedrá variable y sele.
El xueves a pesar de que sedrá un día soleyeru con escasa nubosidá, tará l’ambiente más llimpiu y baxarán les temperatures.

Categorías

Autor: Isa Lobo ツ