- Alborecemos col cieu cubiertu y orpinando ya con unes temperatures que tan alrodiu de los 14ºC, rexistrándose nel puirtu Payares 6,8ºC.
- Güei vamos tener un día mui asturianu con nubosidá abondosa y precipitaciones en forma d’orpín, amás les temperatures van descender bultablemente con másimes que malpenes van algamar los 18-20ºC. L’aire sedrá de componente norte, sele en xeneral.
- Mañana martes nun s’esperen precipitaciones anque la nubosidá va caltenese con unes temperatures másimes que van subir llixeramente, mentanto les mínimes siguen en descensu. L’aire sedrá sele ya variable.
- Miércoles y xueves va llevantase l’aire gallegu que mos dexará raches moderaes na costa y zones altes, amás d’intervalos nubosos cola posibilidá de precipitaciones febles que sedrán más probables na metá ocidental d’Asturies con unes temperatures que van camudar poco, sicasí tendremos un ascensu de les mínimes.
- Paez que’l vienres meyora la situación meteorolóxica ya tendremos una fin de selmana seca y soleyera pero esto yá lu diremos viendo.
